Бүген гимназия кунаклар кабул итә. Өстенлекле Мәктәп проекты кысаларында, ачык дәресләрдә сингапур структураларын куллану тәҗрибәсен өйрәнергә бүген мәктәпкә районның мәктәп директорлары, укыту буенча директор урынбасарлары, предмет укытучылары килде. Бүгенге мәгариф дөньясында барган үзгәрешләр күбрәк үз мәктәбендә генә эшләп ятарга күнеккән педагогларны инновацион проектларга катнашырга, моның өчен һәрвакыт хәрәкәттә булырга өнди. "XXI нче гасыр өчен укытуны үзгәртеп кору" проекты иң беренче чиратта укытучы аңын үзгәртүгә корылган. Сингапурның хикмәтле сүзендә әйтелгәнчә, мәктәпнең дәрәҗәсе үз укытучылары дәрәҗәсеннән берничек тә югарырак була алмый.  Гомер буена уку, өйрәнү, компетенцияңне үстерү педагоглар өчен генә түгел, мәктәпне тәмамлап чыгачак укучылар өчен дә норма булырга тиеш. Тиз үсә торган технологияләр чорында заманадан артта калмас өчен мөһим нәрсә бу.