13 нче декабрь көнне гимназия үзенең ата-аналары өчен "Ачык ишекләр көне" үткәрә. Мәгариф системасы өчен зур яңалык булган Сингапур структуралары кулланып дәресләр үткәрү әти-әниләрне дә кызыксындыра. Алар моны үз күзләре белән күреп ышанырга телиләр. Дәресләрнең икенче өлешендә укытучылар сингапур структураларын дәрестән тыш чараларда кулланып, мастер-класслар күрсәтәчәкләр. Судотөзелеш, татарча көрәш, "Арлекин" сәнгать студиясе җитәкчеләре исә талантлы балалар белән эшләү осталыклары белән тәҗрибә уртаклашырга тели. Чараның икенче бүлегендә әти-әниләргә өч телдә җыр сәнгате, биюләр, мәктәп театры чыгышы тәкъдим ителә. Чыгышлар алдыннан гимназия директоры Ибраһимов Ренат Мәхмүт улы Сингапурда булып кайткан тәэсирләре белән уртаклаша һәм укыту-тәрбия системасында кертеләчәк инновацион юнәлешләр турында сөйләшүгә чакыра.