Гимназиядә Парламент дәресе үткәрү гадәткә кереп бара. Аны ел саен җәмгыять белеме укытучысы Гәйфетдинова Т.И. үткәрә. Быелгы дәрес “Законнар кайда туа?” дигән исем астында үтте. Нәрсә ул закон, дәүләт, тәртип, нормалар, символикалар? Шул турыда сөйләшүләр алып барганнан соң, Т.Исрафиловна Конституциянең килеп чыгу тарихы турында сөйләп китте, әһәмияте турында аңлатты. Укучылар әңгәмәдә бик теләп катнашты, балалар кызыксынган сорауларга китапханәче Әнисә Ризвановна да җавап бирде. Әйе, Конституция үтәләчәкме, аңа салынган демократик механизм эшләп китәчәкме икәнлеге бүген безнең һәрберебездән тора, ягъни иртәгә безнең нинди илдә яшәячәгебез безнең үзебезгә бәйле.