Гимназиядә "Ак калфак" балалар оешмасы эшләп китте. Әниле-кызылы Хәбибуллина Ильсияр Илдус кызы һәм Эльмира Васил кызы гимназиядә кул эшләре түгәрәге оештырырга теләк белдергәч, укучылар бик сөенделәр, беренче дәресне бик көтеп алдылар. Татар халкының милли һөнәре булган калфак тегү, чигү Минзәлә якларында бик таралмаган. Райондагы милли тәрбияне тормышка ашыру буенча Милли Үзәк булган гимназиядә шундый юнәлешнең барлыкка килүе, милли җанлы әти-әниләребезнең изге эштә башлап йөрүләре гимназия җитәкчелеген бик сөендерә, әлбәттә. Ә иң сөенгәне - укучылар! Беренче түгәрәккә үк инде 15ләп укучы килгән.