Ямь өстенә ямь өстәп, бүгенге бәйрәм көнендә Минзәлә шәһәре гимназиясенең физика укытучысы Шәйдуллина Рәйхана Кәрам кызы Россия Федерациясенең Мактау грамотасы белән бүләкләнде. Министр урынбасары М.А.Камболовның котлау сүзләрендә "укыту-тәрбия эшен  оештыруда, укучы шәхесенең әхлакый, мәдәни, акыл үсешен камилләштерүдә, укучыларны тормышка әзерләүдә шәхси өлешен керткән өчен һәм күпьеллык нәтиҗәле хезмәте өчен", дигән сүзләр бар. Бүген гимназия коллективы Рәйхана Карамовна өчен шатлык һәм зур горурлык хисләре кичерде.