2018 елның 16 февралендә Менделеев муниципаль районы Ижевка урта гомуми белем бирү мәктәбендә район күләмендә герой-шагыйрь Муса Җәлилнең 112 еллыгына багышланган “Нәфис сүз остасы” бәйгесе үтте. Бәйгедә Менделеев муниципаль район шәһәр һәм авыл мәктәпләреннән 42 укучы катнашты. Укучыларны, укытучыларны һәм килгән кунакларны сәламләү сүзе белән Ижевка урта гомуми белем бирү мәктәбе директоры Ильбар Газизҗан улы Тагиров чыгыш ясады. Бәйгегә килгән укучыларның сөйләме жюри әгъзаләре тарафыннан бәяләнде. Ижевка урта гомуми белем бирү мәктәбеннән “Нәфис сүз остасы” бәйгесенә 6 укучы әзерләнгән иле. (Болтачева Регина 1с.,Зиганшина Камилла 2с.,Нургалиева Сабина 2с.,Валеева Самира 3с.,Нургалиева Ралина 5с., Каримова Илина 5с.) Нургалиева Ралина (1 нче дәрәҗә),Зиганшина Камилла (3 нче дәрәҗә) дипломнары белән бүләкләнделәр.Барлык катнашкан укучыларга шаһәдәтнамәләр тапшырылды. Кичәне татар теле һәм әдәбияты укытучысы Чулпан Илдар кызы Төхбәтова алып барды.