2018 елның 2 февралендә Менделеев шәһәре Балалар иҗат үзәгендә ”Балачак илендә ” исемле район чарасы үтте. Яр Чаллы шәһәрендә яшәп һәм иҗат итүче язучылар белән очрашу булды. Кунакка Татарстанның атказанган мэдэният хезмәткәре, язучы, «Көмеш кыңгырау» газетасының баш мөхәррире, филология фәннәре кандидаты, Г. Исхакый исемендәге премия иясе, Татарстан язучылар берлегенең Яр Чаллы бүлеге җитәкчесе - Факил Миннемөхәммәт улы Сафин, Татарстанның атказанган мәдәният хезмәткәре, язучы, Абдулла Алиш исемендәге премия иясе Рәшит абый Бәшәр, Саҗидә Сөләйманова исемендәге премия иясе, шагыйрә Әлфия апа Ситдыйкова, Татарстан Республикасаның атказанган мәдәният хезмәткәре, филолгия фәннәре кандидаты, Чаллы педагогия университеты доценты, танылган җырчы Дания апа Сибгатуллина чакырылды. Кичәдә сәламләү сүзе белән Менделеев муниципаль районы “Балалар иҗат үзәге” директоры Айдар Нәгыйм улы Сәфәргалин чыгыш ясады. Ижевка урта гомуми белем бирү мәктәбеннән Зиганшина Камилла, Гатауллина Чулпан, Пластинина София, Нургалиева Сабина, Галлямова Дилия, Заитова Зарина, Нургалиева Ралина катнашты. Турай урта гомуми белем бирү мәктәбеннән Төхбәтова Зөлфия, Төхбәтова Илүзә шигырь сөйләделәр. 7 нче мәктәп укучылары башкаруында “Туган телдә җырыбыз” җыры яңгырады. Язучылар үзләре турында сөйләделәр. Укучыларның сорауларына җавап бирделәр. Менделеев муниципаль районы татар китапханәсенең китапханәчесе Гөлназ Рафкиловна китап укуның мөһим икәнен әйтте. Йомгаклап, Бөтендөнья Татар конгрессының Менделеев районы бүлеге җитәкчесе, Татарстан Республикасының атказанган мәдәният хезмәткәре Галиева Лилия Федоровна килгән кунакларга рәхмәтен җиткерде. Кичәне Ижевка урта гомуми белем бирү мәктәбенең татар теле һәм әдәбияты укытучысы Төхбәтова Чулпан Илдар кызы алып барды.