Гимназиябез укучылары «Табигать язмышы безнең кулларда» дигән тема кысаларында җимеш агачлары,җиләк-җимеш куаклары утырту эшенә керештеләр.Беренчеләрдән булып бу эшне актив укучыбыз Дождева Серафима әнисе белән бергә башлап җибәрде.Алар бергәләшеп агач утырттылар.Агач утырту — бик кирәкле гамәл. Чөнки утыртылган һәр агач табигатькә, кешеләргә, хайваннарга, кошларга файда китерә.
Әлеге атна шулай ук Туган тел көне һәм Габдулла Тукайның тууына 140 ел тулу белән аеруча кадерле. Тукай – табигатьнең матурлыгын һәм аның кадерен белгән шагыйрь. Аның әсәрләре безгә туган җирне, урман-болыннарны яратырга өйрәтә.