12 декабрьдә гимназиядә Гадел Кутуйның тууына 110 ел тулу уңаеннан юбилей кичәсе узды. Язучының тормыш һәм иҗат юлы белән танышканнан соң, килгән кунаклар һәм укучылар “Яшьлек” һәм “Тәҗрибә” командаларына бүленеп, “Мәхәббәт кешене матур итә...” дигән темага сөйләшү алып бардылар. Аралашу вакытында “Нәрсә ул мәхәббәт?”, “Гомер буе бер-береңне яратып яшәү мөмкин эшме?”, “Мәхәббәттә яшь аермасы мөһимме?”, “Өйдә кем хуҗа булырга тиеш?”, “Никахсыз яшәп карау ярыймы?”, “Гаиләләр таркалуга нәрсәләр сәбәпче була?” дигән сорауларга җавап эзләделәр. Кичә мәхәббәт җырлары белән үрелеп барды. Катнашучылар кичәдән канәгать калдылар.