Габдулла Тукайның 130 еллыгы уңаенннан гимназиядә күп кенә чаралар уздырылды. Габдулла Тукай һәм Муса Җәлил шигырьләрен иң яхшы сөйләүчегә конкурс игълан ителде. Конкурста җиңүчеләр ( Муллагалиева Диләрә, Таҗиева Гөлия) район күләмендә үткәрелгән бәйгедә уңышлы чыгыш ясап, призлы урыннар яуладылар. 4 һәм 5 нче сыйныф укучылары арасында “Тукай иҗатын беләсеңме?”дигән интеллектуаль уен үткәрелде. Өченче сыйныфта “Тукай эзләре буйлап” дигән сәяхәт - дәрес үтте. Җиденче һәм сигезенче сыйныфлар арасында “Тукай әсәрләре төрле телләрдә” дигән әдәби кичә оештырылды. Укучылар бөек шагыйрьнең үлмәс әсәрләрен татар, рус, төрек, удмурт, инглиз, чуваш телләрендә яңгыраттылар. 9нчы сыйныф укучылары “Муса Җәлилнең тормыш юлы һәм иҗаты ” турындагы фильмны бик кызыксынып карадылар. Югары сыйныфларда “Тукайга хат” исемле иншалар конкурсы уздырылды. Иң яхшы эш авторлары дип - Каримова Альбина, Маннапова Лилия, Набиуллина Регина танылды. Бәйрәм кысаларында укучыларыбыз Г. Тукай һәм М. Җәлил әсәрләре буенча рәсемнәр дә ясадылар. Йомгаклау чарасы булып, гимназия күләмендә бөек шагыйрьләрнең иҗатлары буенча “Йолдыз сәгате” уены үткәрелде.