Өлкән төркемдә «Кеше тормышында электроприборлар» дигән тематик атна узды. Атна дәвамында балалар кешенең хәзерге тормышында көнкүреш техникасы чыннан да кирәкме, һәм кешеләрне көнкүреш эшләрендә алмаштыра аламы икәнен ачыкладылар.

Балалар белән «Кеше техниканы булдыра», «Техника безгә ярдәм итә» дигән әңгәмәләр узды. Әңгәмә барышында электр приборлары турындагы табышмакларны чиштеләр, куллануда куркыныч вариантларын карадылар. Балалар «рәсем җыеп ал», «сүзне исбат ит», «өй ярдәмчеләре» уеннарында актив катнаштылар. Балалар белән көнкүреш приборлары сурәтләнгән иллюстрацияләрне карадык. Балаларга электр приборларын кулланганда куркынычсызлык кагыйдәләрен беркеттеләр. Ата-аналарны балаларының танып - белү үсеше процессына җәлеп иттеләр: алар ярдәмендә төркемдә «безнең ярдәмчеләр-электроприборлар» мини-музее булдырылды.