Татарстан республикасы Мамадыш муниципаль районы Башкарма комитетының “Мәгариф бүлеге” казна учреждениесенең 2017 нче елның 8 нче июнендә чыгарылган рәсми хаты нигезендә, Җөри балалар бакчасында 2017 нче елның 10 нчы июнендә чираттан тыш ата-аналар җыелышы үткәрелде. Җыелышка авыл җирлеге сәркатибе Кузнецова Э.Н., Җөри урта мәктәбенең профком рәисе Вятская Е.А., башлангыч сыйныфлар укытучысы Шарифуллина С.М. һәм әти-әниләр чакырылды.

     Беренче сүз балалар бакчасы мөдире Абузарова Р.М.га бирелде. Ул “МБ” КМУ җитәкчесенең рәсми хатында язылган фактлар белән таныштырды. Шушы атнада гына Акман авылында булып үткән вакыйгага аерым тукталды. Өйдә ялгыз калдырылган балалар өчен әти-әниләргә закон каршында җавап тотарга туры килуен дә искәртте.(Закон РТ от 01.08.11 №59-ЗРТ “Об Уполномоченном по правам ребенка в РТ” һәм ст.125 «Оставление в опасности”, ст.156 “Неисполнение обязанностей по воспитанию несовершеннолетнего”).

    Бакча тәрбиячесе Михайлова А.П. әти-әниләр белән чираттан тыш инструктаж үткәрде, тормышта куркыныч тудыручы вакыйгалардан сакланырга өйрәтүче буклетлар таратты.

      Балалар бакчасы җәйге ялга туктау сәбәпле, барлык җаваплылык әти-әниләр җилкәсенә төшә.Шул уңайдан авыл җирлеге сәркатибе аеруча ата-аналарга игътибарлы булырга кирәклеген, балаларның үзләрен генә өйдә ялгыз калдыруның һәм күздән югалтуның  нинди аяныч хәлләргә китерүен ассызыклап үтте.