Чәчәкләр  тотып кулга

Без чыктык олы юлга.

Һәркем белә әлбәттә-

Без барабыз мәктәпкә.

Бүген безнең бакчада шатлыклы да, дулкынландыргыч та, бераз гына моңсу да бәйрәм. Без бүген мәктәпкәчә эзерлек төркеме балаларын мәктәпкә озатабыз.Шуклыклары белән безне сагайткан, уңышлары, шат авазлары белән безне сөендергән нәни дусларыбыз бүген бакча белән хушлаша.Эш дигәндә мин, диеп, ял иткәндә җырлыйм- биим диеп тыпырдап торган, күзләре күп беләсе килү теләгеннән янып торган балаларны без ныклы белем алырга, укырга- язарга өйрәтергә, бик сөенеп укытучы апалары кулына тапшырабыз. Хәерле сәгатьтә балалар! 

Көмеш тавыш тынмый,

Йөрәкләрдә чыңлый,

Соң мәртәбә чыңлый кыңгырау!

Якты юллар теләп,

Матурлыкка өндәп,

Саубуллаша көмеш кыңгырау.

Халыкара Гаилә көне 1994 нче елдан башлап 15 нче май көнендә билгеләп үтелә. Гаилә ул- бик олы сүз. Әти-Әни, әби- бабай- гаиләнең иң хөрмәтле ккешеләре. Тату гаиләдә һәр кеше бер-берсен ихтирам итә, кайгырта. Шуңа күрә андый гаиләдә яшәве ә күңелле. 

Бүген бәйрәм- 9 Май- Җиңү бәйрәме! 4 ел буена сугыш газаплары кичергән илебезгә тынычлык китергән беренче көн!Үәр ел саен без бу көнне шатланып, моңаеп һәм зур дулкынлану белән бәйрәм итәбез.Бөек Ватан сугышының дәһшәтле еллары ерагая барса да, кешеләр күңелендәге җәрәхәтләр, яралар һаман да төзәлми.

Искә ала бүген Ватаныбыз

Шаулап үткән көрәш елларын.

Данлый, зурлый һәм хөрмәтли

Курку белмәс батыр улларын.

И туган тел, и матур тел

Әткәм-әнкәмнең теле.

Дөньяда күп нәрсә белдем

Син туган тел аркылы, - дип яза бөек шагыйребез Габдулла Тукай. Быел Г.Тукайның тууына 130 ел булды. Шул уңайдан без дә балалар бакчасында аның балалар өчен язылган шигырьләрен сөйләдек, әкиятләреннән өзекләрне сәхнәләштердек, тормыш юлына багышланган презентацияне карап үттек.