Бүген ,"КЭС-БАСКЕТ" кысаларында районда узачак баскетбол ярышына әзерләнү максатыннан мәктәптә зона буенча җыелган командалар (Югары Сон, Кече Сон, Түбән Сон) үзара көч сынаштылар.  Матур уен белән хозурланып, егетләргә көч өстәп торган җанатарларның тырышлыгы бушка китмәде. Безнең Югары Сон мәктәбендә  укучы егетләр беренче урынны алдылар.  Иң яхшы уенчы дип 10 нчы сыйныф укучысы Гилязетдинов Солтан Ленар улы танылды. Афәрин, егетләр! Түбән Соннар-II урынга, Кече Соннар-III урынга чыктылар. Киләчәктә барлык уенчыларга да уңышлар теләп калабыз.  

Бүген мәктәптә "Балалар бакчасы һәм башлангыч мәктәп арасындагы дәвамчанлык " темасына район семинары узды.

Укучылар Сабантуй мәйданына авыл советы рәисе ярдәме белән сирень, миләш, каен, тирәк агачлары утырттылар.

Прокурор ярдәмчесе Аскаров Л.К. һәм өлкән участковый полиция майоры Зигангараев Р.М. белән очрашу булды. Алар "Жизнь без наркотиков!" дигән темага чыгыш ясадылар.
 

5 нче октябрь-Укытучылар бәйрәме! Укытучыларны  һөнәри бәйрәмнәре белән котлыйбыз. Авыр һәм мактаулы эшләрендә уңышлар, гаилә бәхете, сәламәтлек, әлбәттә инде, тырыш, акыллы укучылар телибез.

Мәктәптә өлкәннәр декадасы уңаеннан чаралар башланды. Мәктәп дирекциясе, профсоюз оешмасы мәктәптә эшләп лаеклы ялга чыккан өлкәннәрне котладылар. Дәресләрдән соң өлкәннәргә ярдәмгә тимурчылык группалары барды.Укучылар шимбәгә шушы уңайдан концертка әзерләнәләр.