1 нче ноябрь көнне авыл китапханәсе җитәкчесе Гаянова Фирдания Миннәхмәт кызы Җиңүнең 70 еллыгын каршылау максатыннан кичә үткәрде. Кичәгә балачаклары сугыш елларына туры килгән өлкәннәр чакырылган  иде. 7 нче сыйныф укучылары тирән эчтәлекле  чыгышлары белән кичәне башлап җибәрделәр. Өлкәннәр үзләренең кичергәннәрен сөйләп, көйләп  тыңлап утырган башлангыч  һәм башка сыйныф укучыларына җиткерделәр. Аларның күргәннәре кабат кабатланмасын, илебездә тынычлык булсын дигән теләктә калдык. Кичә чәй табыны янында дәвам итте. 

Бүген 8-11 нче сыйныф укучылары Көзге бал кичәсен үткәрделәр. Кичәдә төрле уеннар, биюләр, конкурслар үткәрелде. Жюри урыннар билгеләде. Катнашучылар да, тамашачылар да кичәдән бик канәгать калдылар.

Бүген мәктәптә Уңыш бәйрәме үткәрелде. 5 нче сыйныф укучылары (сыйныф җитәкчесе-Габидуллина М.Х.) бәйрәмгә карата концерт куйдылар: матур шигырьләр, җырлар, биюләр, серле һәм сюрпризлы табышмаклар, яхшы итеп бизәлгән сәхнә белән тамашачыларның күңелләрен күтәрделәр.

Быел мәктәбебез бакчасында укучыларыбыз, укытучыларыбыз,хезмәткәрләребезнең фидакарь тырыш хезмәте белән мул уңыш үстердек. Бүген кәбестә уңышы җыеп алынып саклауга салынды.

Усали зонасы буенча уздырылган "Мин яратам сине, Россия!" исемле  җыр конкурсында  катнашып, 2 нче сыйныф укучысы Гараева Алия район турына узды.Уңышлар сиңа, Алия!                                             

В субботу в рамках Спартакиады "Старты надежд" проходил легкоатлетический кросс среди учащихся 1998-1999 г.р. Наши учащиеся в упорной борьбе заняли общекомандное 2 место. Они: Шакиров Н.Ф. ,Зиятдинов Р.Н, Тухватуллина А.А., Зиннатова Г.И. (Учитель Ярмиев Н.Г.)Поздравляем, ребята!

3 нче октябрь көнне мәктәптә укучылар Укытучылар бәйрәменә карата концерт куйдылар. Бәйрәмне мәктәп директоры Ярмиев Н.Г.башлап җибәрде. Ул укытучылар коллективын һәм бәйрәмгә чакырылган өлкән яшьтәге укытучыларны олуг бәйрәмебез белән котлады. Аннан соң укучылар укытучыларга матур чәчәкләр, җыр, бию, шигырьләрен бүләк иттеләр.