Кичәбезнең төп максаты: балаларның Г.Тукай иҗаты турындагы белемнәрен гомумиләштерү һәм аларны бәйрәм кичәсендә куллану. Кичә барышында әхлак кагыйдәләрен үтәүдә мөстәкыйльлекләрен, иҗади сәләтләрен үстерү, сәнгатьле итеп сөйли белү күнекмәләрен камилләштерү. Г.Тукайның бөек шагыйрь икәнен тану һәм иҗатына ихтирам, хөрмәт, горурлану хисләре тәрбияләү.

Җир ачылган урыннарда беренче яз чәчәкләре үсеп чыга: умырзая, үги ана яфрагы, күкебаш, нәүрүз гөл. Ә агачлардагы бөреләр көннән көн зурая, бүртә - яфрак ярырга әзерләнәләр. Без балалар белән табигатьтәге үзгәрешләрне күзәтеп, нәтиҗәләр чыгарабыз, экологик белемнәрен тирәнәйтәбез.Туган якның уянып килүче табигатенә мәхәббәт уяту, балаларның сәламәтлеген ныгыту безнең бурыч.

Үзебез ясаган көймәләрне йөздерүе ничек күңелле!

 Г.Тукай әкиятләренә игълан ителгән рәсем конкурсында әти -әниләр дә теләп катнашты. Ә  Г.Тукайның "Пар ат" шигыренә папье-маше ысулы белән ясалган җигүле атларыбызга сокланмаган кеше юктыр мөгаен!

Без бүген петунияләрне күчереп утырттык.

 "Сөйләм теле үстерү", "Әйләнә тирә белән танышу" эшчәнлекләрендә "Галәм киңлекләре", "Космос" проекты буенча балаларны беренче очучы Ю.А.Гагарин һәм хатын - кыз космонавтлар белән таныштырып, Кояш системасы һәм 9 планета турында  белемнәрен камилләштерсәк, "Иҗади сәнгать" белем бирү өлкәсенә кергән: рәсем ясау, кисеп ябыштыру, әвәләү кебек эшчәнлекләрдә"Ракета", галәмдәге планеталарны ясап, "Космоска" сәяхәтебезне дәвам иттек.

 Һәр көнебез :"Сәламәт тәндә - сәламәт акыл", "Саф һава - тәнгә дәва", "Дөрес туклану - сәламәтлекнең нигезе!" - дигән девизлар белән башлана. Бүген аеруча бәйрәмебезгә төрле кызыклы уеннар алып килүче "Клоун" белән үткәрелгән чарабыз балаларның күңеленә аеруча хуш килде.