Сугыш бетеп ничә еллар үткән,

Әле һаман сызлый яралар.

Сөйгәннәрен көтә тугры кызлар,

Ә улларын көтә аналар.

Әссе әфган җиле язмышларны

Телеп үтте , калды яралар.

Төшләремә керә каһәр сугыш,

Төшләремә керә Кандагар...

Р.Чураголов

Тугыз ел, бер ай һәм унтугыз көн... Һәрвакыт күңелнең бер почмагына яшеренгән бу каһәрле саннарны февраль аенда аеруча зур үкенеч белән кабатлыйбыз без. Агымдагы елда Әфганстаннан совет гаскәрләре чыгарылып беткәнгә 32 ел тулды. Ни кызганыч, дистә елга якын барган сугыш кирәк булдымы икән - әлеге сорауга җавапны бүген дә эзлибез.

Әфганстандагы мәхшәрне үз күзләре белән күргән, шунда катнашкан кешеләр генә бу бәхәсләргә кушылмый. Алар Хәтер белән яши - югалган яшьлек, җуелган тынычлык, һәлак булган дуслар турындагы хәтер белән. Михаил Черепановның «Әфганстан сугышы корбаннарының Хәтер китабы»нда китерелгән мәгълүматларга караганда, сугыш хәрәкәтләрендә 9358 татарстанлы катнашкан. 296сының цинк табутта гәүдәсе генә кайткан.Әфганстан безнең  төбәкне дә читләтеп үтми. Мамадыш районы  Шәдче урта мәктәбендә  күп еллардан бирле бу дата аерым билгеләп үтелә.Чөнки, 13  укучыбыз  Әфган сугышында катнашкан. Ә Ямаш авылы егете Валиев Альберт Мирзахан улы бу сугышта  батырларча һәлак була, үлгәннән соң Кызыл Йолдыз ордены белән бүләкләнә.

Без  бакчабызда  рәсем бәйгесе уздырдык, рәсемнәр ясадык. Иң яхшыларын сайлап бәйгегә җибәрдек.