Чәчәкләр тотып кулга,

Без чыктык матур юлга, әлбәттә инде балалар бакчасына!

1 июнь - балаларны яклау көне. Районыбызда бу көн "Вперед, юниоры!" дип исемләнгән спартакиада белән билгеләп үтелә. Без дә бу спорт төреннән читтә калмыйбыз.Быел үткән спартакиадада Рахимов Ильназ берничә төрдән катнашты, һәрберсеннән грамоталарга лаек булды. 30 м.га йөгереп 3нче урынга, подъем туловище буенча 2нче урынга, эстафетага катнашып 2нче урынга лаек булды. Афәрин, дип кенә әйтәсе кала Ильназга.

Балаларда экологик культура , табигатьне яратырга, аны сакларга, якларга, аңларга, матурлыгына сокланырга, табигый байлыкларны арттырырга омтылучы экологик яктан культуралы, әхлакый аңлы, иҗади фикер йөртүче шәхесләр тәрбияләү максатыннан балалар белән һәрвакыт экскурсияләргә барабыз. Чираттагы экскурсия "Солтан чишмәсе"нә!

Бөек җиңүгә 70 ел уңаеннан уздырылган митингта катнашып, һәйкәлгә чәчәкләр куйдык.

Картаймагыз әле, ветераннар,

Картаймагыз, әй сез тынмас җаннар!

Сезгә тиеш әле бик күп язлар,

Сезгә тиеш әле бик күп назлар!

Ак яулыклы татар әбисе! Син барсын да күрдең: яхшысын да, яманын да, ачлыгын да. Ләкин син барысына да түздең, татар әбисе булып калдың, башыңнан ак яулыгыңны төшермәдең!

 Бүген бакчабызда "Туган тел" атналыгының соңгы көне. Атнабызны "Татар телем - Тукай теле" исемендәге әдәби кичә белән мәктәп белән берлектә тәмамладык. Кичә Г.Тукайның туган көненә багышланды: укучы балалар аның шигырьләрен, әкиятләрен сәхнәләштереп күрсәттеләр, бакча балалары шигырьләрен сөйләделәр. Кичә бик күңелле узды.

 Бүген районыбызда  "Радуга детских талантов" Vнче район фестиваль конкурсы булып узды. Безнең кызларыбыз "Шәл бәйләдем" күмәк биюе белән уңышлы гына чыгыш ясадылар,  диплом һәм истәлекле бүләкләргә лаек булдылар.

 Бакчабызда бүген сәламәтлек көне булды. Көнебез гадәттәгечә иртәнге гимнастика белән башланып китте һәм "Сәламәтлек иленә сәяхәт" дигән тема астында уздырылган сәяхәт белән дәвам итте.