МЧСта эшләүче Ильнур Гасимов безнең балалар бакчасына килеп, яз вакытларында  куркынычсызлык кагыйдәләре турында сөйләп китте.Аларга үзенең киңәшләрен бирде,нәрсә ярый,нәрсә ярамый икәнлекләрен аңлатып узды.Балаларда бу очрашу бары тик уңай тәэсирләр генә калдырды.

Апрель ае- уяну, сафлану, яктылык, су һәм кошлар ае булып исәпләнә. 1 нче апрель– Бөтендөнья кошларны саклау көне буларак билгеләп үтелә! Кошлар табигатьнең күрке, яме. Алар матур каурыйлары, нәфис гәүдәләре, нәни томшыклары һәм күңелле җырлары, сайраулары белән тирә- юньгә ямь тараталар, безне сөендерәләр. Кошлар нәкъ чәчәкләр кебек үк – табигать могҗизасы. Әйтерсең лә алар шатлык өләшү, соклану һәм күңелгә илаһи көч бирү өчен яратылган. Кошлар кешедә күкләрне айкарга, очарга омтылыш уяткан. Алар, әйтерсең лә, җиһандагы бар моңны үзенә сеңдергән.

Зона буенча үткәрелгән "Радуга детских талантов" конкурсында безнең балалар бакчасыннан Низамутдинова Зилә, Фазырахманова Ильзия катнаштылар, һәм район турына үттеләр. Уңышлар телибез! 

Мәктәп укучылары безнең балалар бакчасын бик яраталар.Әле менә бүген дә Раниль абыйлары белән Камилә апалары аларга бик кызыклы һәм мавыктыргыч  әкиятләр укыдылар. Рәхмәт аларга!

Тәрбиячебез Илгизә Нуретдиновнаны югары уку йортын тәмамлап, диплом алуы белән котлыйбыз.Киләчәктә уңышлар телибез.

Без бүген балалар белән яраткан әтиләребезгә Ватанны саклаучылар көненә бүләк ясадык. Аларны чын күңелебездән бәйрәм белән котлыйбыз.

Авылыбыз җирлегендә бердәм рәвештә чаңгы шуу ярышы бәйрәмчә узды. Барыбызда бик теләп катнаштык.