Быел сөекле шагыйребез Г.Тукайның тууына 130 ел тулу уңаеннан бакчабызда Г.Тукай әкиятләре персонажларына кул эшләре күргәзмәсе игълан иткән идек.Әти-әниләр балалары белән берлектә ясаган кул эшләре һәркемнең күңеленә хуш килде.

26 нчы апрель көнне бакчабызда Г.Тукайның тууына 130 ел тулу уңаеннан "Ачык ишекләр" көне үткәрдек.Балалар көче белән әзерләнгән шигъри кичә әти-әниләр күңеленә хуш килде.

6нчы апрель көнне район мәдәният йортында узган "Салават күпере" яшь талантлар конкурсында бакчабыздан зона туры аша үтеп Баязитов Сәет белән Апушева Анжелина катнаштылар.Апушева Анжелинага кичке гала концертта катнашырга насыйп булды.Афәрин балалар!

1нче апрельдән 20 нче апрельгә кадәр дәвам итә торган "Бакчага китап бүләк ит" дигән хәйрия акциясенә кушылып бакчабызга әти-әниләр китаплар бүләк иттеләр.Бүләк ителгән китаплар балаларның танып белү эшчәнлеген арттыруга юнәлдерелгән.Рәхмәт әти-әниләргә!

Әти-әниләр белән туберкулёз авыруын кисәтү һәм булдырмауга карата киңәшмә үткәрелде.Киңәшмәдә мәгариф бүлеге методисты Хайруллина Г.К., авылыбыз фельдшеры Гайфетдинова В.Ш. катнашты.

Әти-әни , сездән башка тагын

Кем бар шундый бала бәгырьле!

Кояш сыман әнием якын булса,

Әтием дә шулай кадерле.

Герой шагыйрь Муса Җәлил - бик күп шигырьләр авторы. "Ак куян, йомшак куян" исемле сөйләм үстерү эшчәнлеге шагыйребезнең тууына 110 елга багышлап үткәрелде.