Һөнәри юнәлеш кабинеты җитәкчесе Сафиуллина Р.И. агропромышленность комплексы белгечләре белән “Эшлекле сөйләшү” оештырды. Укучылар, укытучылар,  АПК  җитәкчеләре өлкәннәрнең үрнәк тәрбиясе, тормыш матурлыгын хезмәт тәрбиясе аша җиткерү турында сөйләштеләр. Сүзен эше белән раслаучы җитәкче Мутигуллин Р.М. бик мәгънәле итеп дөрес һөнәр, эш һәм тору урыннары турында ассызыклады. Төрле юнәлеш буенча эш алып баручы буларак, хуҗалыкка нинди белгечләр кирәклеген  әйтте. Киң колачлы эшне инвестор үзе генә түгел, ә җир кешесе агроном Талипов Ә.М., заманча эшне оештыручы башкаручы директор Фатыхов Р.С. һәм тырыш хезмәтчәннәр белән берлектә башкарылуын аңлатты. Милләт җанлы, туган җиргә береккән эш осталары белән очрашу-сөйләшү Түбән Ушмы мәктәбендә традицион күренеш.