Бүген безнең катнаш төркем балалары өчен, балаларны әдәбиятка җәлеп итү максатыннан, китап көне узды. 

Бүген безнең кечкенәләр төркемендә курчак театры көне булып узды. Курчак театры балаларга зур шатлык биреп кенә калмый, эстетик тәрбия дә бирә, сөйләмне дә үстерә, тирә-юньне аңларга да өйрәтә.

1 июнь - Халыкара балаларны яклау көне уңаеннан безнең балалар бакчасында кызыклы чара булып узды.

Бүген, 15 май - "Гаилә көне". ГАИЛӘ - 5 хәрефтән генә торган шушы сүздә нинди тирән мәгънә ята. ГАИЛӘ ул - Әти-Әни, балалар, баш өстендә бер түбә, бер үк фамилияләр, озын, буыннан-буынга өзелмичә дәвам итүче тирән тамырлы нәсел җебе. Без дә балалар бакчасында "Гаилә көне" бәйрәмен билгеләп үтәбез. Әлеге бәйрәмнең максаты: әти-әниләргә мәхәббәт, игътибарлы мөнәсәбәт,шәфкатьлелек тәрбияләү, аларның олы зат булуын төшендерү. Балалар белән әти-әни арасын тагын да якынайту. Балалар бакчасы һәм гаилә арасында тыгыз элемтә урнаштыру.

Җиңү көне барыбыз өчен дә илбасарларга каршы көрәштә халкыбыз күрсәткән намуслык, батырлык һәм ныклык билгесе булып тора. Ватаныбыз өчен гомерләрен биргән, киләчәк буыннарга тыныч көннәр бүләк иткән кешеләргә олы рәхмәтебезне белдерәбез.

Мәктәпкәчә белем бирү учреждениеләрендә тәрбияләнүчеләр арасында "Балалар талантлары Салават күпере" фестивале быел унөченче тапкыр үткәрелде. Бу сезонда мәктәпкәчә яшьтәге алты йөзгә якын бала үзләренең сәхнә осталыкларын күрсәттеләр. Жюри алдында Конферанс, Художественное слово, Хореография һәм Вокал-соло номинацияләрендә 150 номер күрсәтелгән. Гала-концертта иң яхшы 33 номер арасында бездә тәрбияләнүче Мухаметшин Ә. дә бар иде. Ул "нәфис сүз" номинация кысаларында чыгыш ясап, призлы урынга лаек булды. Аңа киләчәктә уңышлар теләп калабыз

Бүген Мамадыш муниципаль районы башлыгы Анатолий Иванов Хафизовка авылында яшәүче 97 яшьлек ветеран Хәсән Шәрәфетдинов йортында булды.

- Хәсән Галәветдин улы, сезне чын күңелдән якынлашып килүче Җиңү көне белән чын күңелдән котлыйм. Сезгә нык сәламәтлек, күтәренкелек, оптимизм һәм тагын озак еллар гомер телим, - диде Анатолий Иванов, ветеранга бүләк тапшырганда.

Котлауларга җирле укучылар да һәм безнең балалар бакчасында тәрбияләнүче балалар да кушылды. Алар Җиңү көненә багышланган шигырьләр сөйләделәр. Балалар әйтүенчә, алар өчен Бөек Ватан сугышы ветераны янында яшәү зур горурлык.
 

Игелек марафоны "Теләкләр шары" балаларның хыялларын тормышка ашыра. Бу 6 яшьтән 17 яшькә кадәрге һәр бала Иң Яшерен теләк турында сөйли ала торган урын, һәм теләсә нинди олы кеше аны үти ала. Теләгән һәркем игелек белән уртаклаша һәм чын сихерче була ала! Беренче теләк 1 июньдә Халыкара балаларны яклау көнендә үтәләчәк.

Әлеге марафонда безнең балалар бакчасыннан Нигматзянова Р. дә катнаша. Аның иң зур теләге "дельфиннарны күрү һәм алар белән суда йөзү".

26 апрель көнне Татарстанда Туган тел көне һәм бөек татар шагыйре Габдулла Тукайның тууына 137 ел тулу вакыйгасы билгеләп үтелә. Бәйрәм уңаеннан бакчабызда "Тукай әкиятләре ияреп" дип аталган күңел ачу чарасы үтте. Балалар Г. Тукай шигырьләрен сөйләделәр һәм үзләренең осталыкларын театраль сәхнәләштерүдә күрсәттеләр.