Хөрмәтле әти-әниләр һәм кадерле балалар! Беренче кыраулар башлангач, елгалар һәм күлләр боз белән каплана, ул тимераякта шуарга , хоккей уйнарга яки йөреп кайтырга этәрә. Ләкин бу нәзберек боз бик алдаучан! Ул нык тоелса да, чынлыкта ул нечкә һәм үлем куркынычы! Исегездә тотыгыз: ныгып җитмәгән бозга чыгу фаҗигагә китерергә мөмкин. Боз астына төшеп, кеше бозлы суга эләгә, бу салкын шок һәм суыну аркасында үлем куркынычы тудыра.

Бәла-каза булмасын өчен, төп кагыйдәләрне исегездә тотыгыз: беренче кырау һәм җылыну чорында беркайчан да бозга чыкмагыз! Боз белән капланган сулыкларга якын килмәгез. Куркыныч хәтта яр буенда да булырга мөмкин!

Исегездә тотыгыз: инешләр койган урыннарда, яр буйларында, үсемлекләр янәшәсендә һәм агымда боз һәрвакыт юкарак була. Балаларга туңган сулыкларда уйнарга рөхсәт итмәгез! Аларга аңлатыгыз, бозда уйнау-шаяру гына түгел, ә зур куркыныч. Беркайчан да бозның ныклыгын аяк белән тибеп тикшермәгез! Бу фаҗига белән тәмамланырга мөмкин.