Дүшәмбене "Авыр көн", - дип, 
Өнәп бетерми күпләр. 
Дүшәмбе - гадәти көн ул, 
Кемнәрдер мине җөпләр. 

Яңа эшләр, яңа атна, 
Яңа аткан таң бит ул. 
Дуслар, хезмәттәшләр белән 
Күрешергә җай бит ул. 

Дүшәмбе - яңа уңышлар, 
Яңа юллар, танышлар. 
Һәрчак түзем булып калыйк, 
Ясамыйкчы ялгышлар. 

Һәрбер инсанга телимен, 
Аяз матур иртәләр. 
Юлыгызда очрамасын 
Һичбер кайчан киртәләр. 

Һәрчак чынга ашсын иде, 
Теләк - хыялларыбыз. 
Исән булсак, килеп җитәр 
Тагын бу ялларыбыз. 

Минем изге теләкләргә, 
Кушылалардыр күпләр. 
Имин булсын дөньялар, 
Гел аяз булсын күкләр. 
Яңа эш атналары белән сезне.Күңелебездә һәрчак изге ниятләр булып, һәрбер көнне яхшы гамәлләр кылып үткәрсәк иде.