15 май - Халыкара гаилә көне узды. Табигатьтә яз... Май кояшы җирне иркәли башлау белән, алмагачлар шау чәчәккә күмелде.

ГАИЛӘ - ул дөньяда яшәүче парларга бердәнбер, һич башка кабатланмый торган ошаныч, терәк урыны. Кош канаты - пар белән, ир канаты - яр белән. Гаилә - ул җан тынычлыгы таба торган урын.

Гаилә - ул бик нык яраткан эшеңне эшләп арыганнан соң, йөрәгенә тынычлык, шифа бирә торган бик изге бер урын.

Нәни дәүләт

Зурмы яки кечкенәме -

Һәр гаилә - бер дәүләт.

Карыйк әле, бу дәүләтне

Кемнәр бара җитәкләп?

Ирләр - илнең президенты.

Ирләр бит алар горур.

Хатыннар, билгеле инде,

Генеральный прокурор.

Эчке эшләр министры -

Кайнаналар, әлбәттә.

Алар катнашмаган эш юк

Бу кечкенә дәүләттә.

Әбекәйләр, бабакайлар

Били советник постын.

Бирәләр алар киңәшнең

Иң әйбәтләрен, дустым.

Курьер хезмәтен үтиләр

Барлык бала-чагалар:

Алар - яки президентка

Яки өлкән киңәшчегә,

Я прокурорга чабалар.

Каен сеңел, каен эне,

Бүтән ыбыр-чыбырлар -

Бөтенесе креслосыз,

Портфельсез министрлар.

Дөрес, кайчак бу дәүләттә

Була переворотлар:

Очып төшә президентлар,

Алмашынналар постлар.

Тик бер нерсәгә юнәлгән

Максаты һәркемнең дә -

Гел иминлек хөкем сөрсен

Һәр бәхем сөрсен

Һәм бәхет булсын өйдә.

Ф.Яруллин.