Күктә ниләр бар?

Барган җирдән тукталам да
Күк йөзенә карыйм мин,
Бик озак итеп карыйм мин,
Ниләр барын таныйм мин.

Син дә шулай карыйсыңмы,
Мин күргәнне күрәмсең—
Әнә Аккош һәм Каракош,
Әнә Козгын, Күгәрчен...

Көлтәне дә, Еланны да
Күрәм күкнең түрендә,
Бар Жираф та, Арыслан да,
Бар Куян да, Бүре дә!

Күрәсең Мичне һәм Кызны,
Көянтәне, Табакны,
Күрәсең тагын Йөкчедән
Бер читкә качкан Атны...

Әллә һаман ышанмыйсың,
Әллә һаман көләсең?
Бу бит — йолдыз исемнәре,
Күктә шуны күрәсең!

Шәүкәт Галиев.

Кара каргалар килде,

Түбәдән тамчы тама,

Көндез көн җылы була,

Суына кичкә таба,

Тамчылар бии тып-та-тып,

Тамчылар сикерәләр.

Аларны булмый туктатып

Алар яз китерәләр.

Кояш көлә,мин елмаям

8 нче март бүген.

Бүген әниләр бәйрәме,

Шуңа күңелем шат минем.

Бәйрәм бүген ,бәйрәм диеп,

Бар дөнья көлеп торсын!

Әни бәйрәме икәнен

Әти дә белеп торсын,

Әти дә көлеп торсын!

Бүген бәйрәм көнендә,

Әтиләрне котлыйбыз.

Шатлык, бәхет, сәламәтлек

Һәммәгезгә телибез.

Кызылтүшләр" (Асия Юнысова)

Бу чыршыга каян килгән
Алсу-кызыл җимешләр?
Гөлҗимештәй сибелешкән
Чыршыга кызылтүшләр.

Зур аюлар йоклаганда
Өнендә күреп төшләр,
Кышның яменә кинәнә
Бәләкәй кызылтүшләр.

Исем китеп карап торам
Кошларның уенына.
Кызлар кебек, кызылтүшләр
Мамык карда коена.
 

Балаларны татар халкының мили ризыклары белән таныштыруны дәвам иту (чәк-чәк, коймак, өчпочмак, бәлеш).

Яңа елга теләгем!
Ап-ак карларга уралып
Син киләсен Яңа ел!
Ак карлардай ак бәхетле,
Булсын безнең яңа юл.

Хуш киләсең, Яңа ел!
Табыныбыз мул булсын,
Якыннарым, дус-ишьләрем,
Табын турендә торсын!