Сугышлы мәктәбендә ел саен 15 апрель-5 июньгә кадәр  "Экологик хәвеф-хәтәрдән саклану көннәре" үткәрелә.Бүген  биология кабинетында 1-9 сыйныфлар өчен акциянең программасы белән биология укытучысы Ахметова Ф.А. таныштырды. "Куркынычсыз һәм куркыныч авыл" дигән темага викторина үткәрелде һәм укучылар әйләнә-тирәлек проблемаларына кагылган күп кенә сорауларга җавап бирделәр. Җиңүчеләр итеп түбәндәгеләр билгеләнде: Нагиев Э.(5кл),Тахавова Э (5кл), Хабибуллина Р.(5кл), Закиров Р. (5кл), Закиров Р.(9кл), Багманова И. (7кл). Җиңүчеләргә призлар тапшырылды.

7 апрель- Бөтендөнья сәламәтлек көне. Әйләнә-тирә мөхитнең кеше сәламәтлегенә йогынтысы арта бара. Сәламәт яшәү рәвеше хәзерге заманда иң зур проблемаларның берсе булып тора. Сугышлы мәктәбендә бу көнгә багышланган класс сәгатьләре үткәрелде. Иртәнге зарядка бөтен мәктәп укучылары белән ишек алдында үтте. Практик эш буларак урта звено укучылары мәктәп тирәсендәге карны тараттылар. 5-8 класс укучылары өчен сәламәтлек турында видеоязма күрсәтелде.

1 апрель - халыкара кошлар көне буларак ел саен үткәрелеп бара. Сугышлы мәктәбендә бу көнгә багышланган тематик кичә үткәрелде. 5 сыйныф җитәкчесе Фасхутдинова Ф.Ф. кошларны өйрәнүдә  "Кошлар шәһәре" проект эшен башкарулары , "Ел кошы" символлары  турында сөйләде һәм укучыларга презентация күрсәтелде. Биология укытучысы Ахметова Ф.А. укучыларга викторина сораулары тәкъдим итте, кошларга багышланган җырлар җырланды. Укучыларга өй эше итеп "Кеше тормышында һәм табигатьтә кошларның әһәмитяте" дигән темага әзерләнеп килергә әйтелде. Иң актив катнашучы укучыларга: Галимова Д. , Власов Д.(8кл), Галимова А. (7кл), Гарифуллин И.(7кл), Хабибуллина Р., Сулейманова Г., Закиров Р.(5кл),Нагиев Э.(5кл), Ситдикова Э (4кл) га  призлар тапшырылды. Иң актив сыйныф җитәкчеләре  Сафаргалиева Л.А. (8кл), Фасхутдинова Ф.Ф., Ахметова Ф.А.  истәлекле бүләкләр алдылар.

Мәгариф министрлыгы боерыгы белән мәктәпләргә 2014-2015 уку елында дару үсемлекләре чималы җыю турында мәгълүмат җиткерелде. Бу акция апрель аеннан башланып октябрь аена кадәр дәвам итәчәк. Хәзерге вакытта каен һәм нарат бөреләре җыелып киптерелергә куелды.