21 нче февраль — илебездә Халыкара туган телләр көне билгеләп үтелә.  “Туган телен кадерләгән халык – кадерле булыр” дигән мәкаль бар. Чыннан да,туган телен белгән, саклаган, яклаган халык кына хөрмәткә лаек.

 Башка телләр үзләренчә матур булса да, үз телеңнең яңгырашы үк бүтән. Ул безгә үгет – нәсыйхәт булып та, иркәләп – сөеп тә ишетелә. Туган телең аша җирдәге, кешедәге матурлык бөтен тулылыгы белән аңлашыла. Җырларыбызга моңлылык хас булган кебек, телебезгә дә моңлылык хас.

Шул уңайдан, безнең мәктәптә “Тукай әкиятләре буйлап дигән” әдәби – музыкаль чара уздырылды. Кичә бөек Тукаебызның “Туган тел” җыры белән башланып китте. Укучылар ана теле укытучылары җитәкчелегендә бөек шагыйребезнең әсәрләрен сәхнәләштерделәр, матур итеп шигырләрен укыдылар, аның сүзләренә язылган җырлар башкардылар.