26 сентябрь көнне район күләмендә “Көзге кросс” спорт ярышы үткәрелде. Кросста катнашкан Ганиев Р., Мухаметзянов Н., Вафина Э., Вафина Л., Бикбаев И. , җитәкчеләре Багаутдинова Ә.Б. бик зур рәхмәт белдерәбез.

Мәктәбебездә хезмәт тәрбиясе файдалы һәм уңышлы уздырыла. Укытучылар һәм укучылар мәктәп территориясен кышка әзерлиләр. Бүген чүпләр түгелеп, бакчалар казылып, ишек аллары чистарып калды.

Бүген, 25 сентябрь көнне, 7,8.9 сыйныф укучылары физика фәненнән олимпиада биремнәрен эшләделәр. 

Корбан бәйрәме — безнең һәрберебез өчен дә ярлыкау, иманыбызга тугрылыклы булуны раслау, Ходай Тәгалә кушмаган гамәлләрдән тыелу һәм начар ниятләрдән котылу, үзеңә, әйләнә-тирәдәгеләргә шатлык-һидаять бүләк итү бәйрәме.
Бу көн — барыбыз өчен дә кадерле көн һәм гүзәл бәйрәм. Бу көнне Аллаһының әмеренә буйсынып, малларыгызның иң яхшысын, олылап, корбан чалыгыз! Аллаһының Илчесе (салләллаһу галәйһи вә сәлләм) әйткән: " Корбанлыкларыгызны олылагыз! Дөреслектә, сез аларга Сират күпереннән атланып чыгарсыз".
Бәйрәмебез мөбарәк булсын, кадерле дин кардәшләр, күңелләребездә иман нуры бервакытта да сүнмәсен, бәхет-сәгадәттә яшәргә язсын, йортларыбызга-илебезгә тынычлык насыйп булсын. Аллаһы Тәгалә чалган корбаннарыбызны, биргән сәдакаларыбызны, кылган изгелекләребезне кабуллардан кылса иде.

Бүген 4-9 сыйныф укучылары  математика фәненнән  олипиада биремнәрен эшләделәр.

22 сентябрь бөтен дөньяда Автомобильсез көн буларак билгеләп үтелә. Татарстанның Экология һәм табигый ресурслар министрлыгы бүген һәркемне шәхси транспорт чараларыннан баш тартырга чакыра. Акция автомобильләрнең әйләнә-тирәлеккә тискәре йогынтысы турында кешеләрнең исенә төшерүгә һәм хәрәкәт итүнең альтернатив чаралары – җәмәгать транспорты, велосипед һәм башка транспорт чараларыннан файдалануга өндәүгә юнәлтелгән. Шул уңайдан бүген, сыйныф җитәкчесе Вафина В.М., 7 сыйныфта тәрбия сәгате үткәрде. Укучылар проблемалы сорауларга җавап бирделәр, листовкалар ясадылар.

22 сентябрь автомобильсез көн. Шул уңайдан, бүген, дәресләрдән соң, 5-7 сыйныф укучылары велосипед ярышына чыктылар. Физкультура укытучысы Багаутдинова А.Б. иң җитез укучыларга бүләкләр тапшырды.

Бүген 5 сыйныф укучылары велосипед ярышына аеруча әзерләнеп килгәннәр. Алар сыйныф җитәкчесе Сайфиева Т.Ш һәм физкультура укытучысы Багаутдинова Ә.Б. белән сыйныф беренчелегенә ярыш үткәрделәр. Нәтиҗәдә "Иң җитез укучы" исемен Мифтахов Даниф яулады. Әфәрин!

21 cентябрьдән Республика олимпиадасының мәктәп туры башланып китте. Бүген 5-9 сыйныф укучылары тарих фәненнән көчләрен сынадылар.