25 октябрь көнне мәктәбебез  кунаклар каршы алды. Тирә-як авыл һәм  шәһәрнең  татар мәктәпләрендә укытучы башлангыч сыйныф укытучылары семинарга килделәр. Башлангыч сыйныф укытучылары “Универсаль укыту эшчәнлекләрен формалаштыру” дигән темага дәресләр, мастер класслар күрсәттеләр. Семинарны Сайфиева Талига Шамил кызы җитәкчелегендәге укучылар концерт номерлары белән башлап җибәрделәр. Вафина Венера 1 сыйныфта –математика, Вафина Гөлия -2 сыйныфта татар теле, Ганиева Гүзәлия 4 сыйныфта –татар теле, Фархутдинова Роза 3 сыйныфта әйләнә- тирә фәне буенча кызыклы тәҗрибәләр һәм килгән кунаклар белән дәрестән тыш эшчәнлек буенча мастер класс күрсәтте. Һәр укытучы үзенең эш алымнарын оста файдаланып, яңа федераль стандарт таләпләренә туры килгән дәресләр күрсәтте. Соңыннан, түгәрәк өстәл артында, дәресләр барышына нәтиҗә ясалды. Шәһәр һәм район укыту бүлеге методисты Гөлнара Мингазовна һәр укытучының дәресенә нәтиҗә ясап, алга таба да яшь  буынны укыту һәм тәрбияләүдә зур уңышлар теләде. Килгән кунаклар да рәхмәт белдереп, дәресләрнең ошавын һәм нәтиҗәле булуын әйттеләр. Семинарда дәрес биргән укытучыларыбызга зур рәхмәт белдерәбез. 

24 октябрь көнне мәктәптә ата-аналар җыелшы үтте. Җыелышта алда үтәчәк тест турында сөйләнде, 1 чиреккә йомгак ясалды, укучыларның көзге каникул вакытында куркынычсызлык кагыйдәләрен төгәл үтәүләрен күзәтүләре соралды. 

Укытучылар, 31 октябрь көнне булачак экзаменга әзерләнәләр.

15 октябрь көнне ГТО нормативлары тапшыруның  көзге сессиясен  йомгаклап физкультура укытучысы Багаутдинова Ә җитәкчелегендә "Спортивный ковёр" дип аталган уен-викторина үткәрелде. Укучылар бергәләшеп  кроссворд чиштеләр, төрле уеннарда катнаштылар.

Мәктәбебездә Укытучылар бәйрәме уңаеннан "Күңелле сәхифәләр" дип аталучы кичә узды. Бу бәйрәмгә мәктәптә, балалар бакчасында эшләп, лаеклы ялда булган ветеран укытучы, тәрбияче апалар килде. Кичә барышында хатирәләрне искә төшердек. Укытучы һәм тәрбиячеләр көче белән әзерләнгән концертны да бик яратып карадылар.  Кичәдә яңгыраган матур сүзләр,теләкләр һәрбер кунакның хезмәтенә рәхмәт сүзләре булып яңгырады. Кичәнең соңгы өлеше чәй табыны артында узды. Килгән кунаклар кичә өчен рәхмәт әйтеп, укыту эшендә уңышлар теләп таралыштылар. 

Бүген, укучылар, педагог оештыручы Сайфиева Т.Ш. җитәкчелегендә, укытучыларны бәйрәм белән котладылар.  

5-9 сыйныф укучылары җәмгыять белеменнән олимпиада биремнәрен эшләделәр.

5-9 сыйныф укучылары технология фәненнән олимпиада биремнәрен эшләделәр.

Бүген, укучылар, авыл Мәдәният йортында, өлкәннәр көненә багышланган бәйрәм концерты оештырдылар. 

28 сентябрь көнне 5-9 сыйныф укучылары инглиз теленнән олимпиада биремнәрен эшләделәр.