Зурлар төркемендә 8 март бәйрәменә багышлап ачык шөгыль күрсәтелде. Тәрбияче апалары Сагъдиева Т. һәм Габдрахманова Г. белән берлектә балалар яз һәм әниләр турында шигырьләр сөйләделәр, җырлар җырладылар, табышмакларга җаваплар эзләделәр, мәкальләр әйтештеләр. Театральләштерелгән тамаша күрсәттеләр.

22 февраль көнне балалар бакчасында Ватанны саклаучылар көненә багышланган кичә үткәрелде. Балалар әтилргә багышлап шигырьләр сөйләделәр, җырлар җырладылар, биеделәр. Балалар  үзләренең куллары белән ясалган бүләкләр тараттылар. Әтиләр төрле конкурсларда катнаштылар.

Кечкенәләр төркемендә "Спорт һәм сәламәтлек" айлыгы башланды. Балалар табигатькә экскурсиягә чыктылар, чанада шудылар.

  Хөрмәтле коллегабыз Гөлназ Шамиловна. ! Сез ел башындагы зәмһәрир салкын вакытта тугансыз. Табигатьнең, тереклекнең сынауларга дучар вакытына туры килгән юбилеегыз белән ихлас котлыйбыз! Гыйнвар салкыннарында туган булсагыз да, дусларыгызга җылылык бирә торган кайнар йөрәгегезә тагын да көч-куәт өстәлсен. Кышкы тәрәзәләрдәге бизәкләрдәй, күңелегез матур, даладай киң булсын.

Саулык, иминлек, саф бәхетләр сезгә!

27 декабрь көнне кечкенәләр төркемендә яңа ел бәйрәме үткәрелде. Балалар Кыш бабайга биеп, җырлап, шигырь сөйләп күрсәттеләр. Кыш бабай яңа ел күчтәнәчләре таратты. Бәйрәм күңелле үтте.

26 декабрьдә, зурлар төркемендә, Кыш бабайда кунакта дип исемләнгән бәйрәм тамаша үткәрелде. Балалар Кыш бабайны төрле җанварлардан коткардылар, шигырьләр сөйләделәр, җырладылар биеделәр. Кыш бабайдан яңа ел күчтәнәчләре алдылар.

18 декабрь көнне, мәктәпкә әзерлек төркемендә, ФЭМП буенча ата - аналар өчен ачык шөгыль күрсәтелде. Балалар ун саны эчендә төрле мисаллар, мәсьәләләр чиштеләр. Кызыклы, мавыктыргыч уеннар уйнадылар. Шөгыль бик мавыктыргыч үтте.

Балалар бакчасында ата - аналар җыелышы үткәрелде.

Көн тәртибендә:

1.Сагъдиева Т.Я. "Сәламәт яшәү рәвеше" турында доклад сөйләде

2. Каримова Г.Я."Адаптация чоры" турында доклад сөйләде

3. Зиятдинова Г.Ш. Ярты еллык эшкә йомгак ясады.

4. Яңа ел турында сөйләшү