Мәктәбебездә кунакта "Дала" заказнигы җитәкчесе Ф.Н.Динмөхәмәтов булды. Ул  табигатьне саклау акциясе  "Парклар маршы -2014" кысаларында  үткәрелгән конкурсларда җиңгән укучыларга  һәм  аларны әзерләгән укытучыларга  дипломнар тапшырды. Узган уку елында үткәрелгән әлеге конкурсларда мәктәбебезнең 8 укучысы катнашты. Шулар арасыннан 5  укучы район күләмендә, ә бер укучыбыз республика күләмендә урын алды. Фотографияләр конкурсында республика буенча  2 урын алган Шарапова Алиягә   Ф.Г. Динмөхәмәтов  диплом һәм кыйммәтле бүләк  тапшырды. 

2 октябрь көнне  өлкән укытучыларыбызны бәйрәм белән котладык. Укучылар алар хөрмәтенә концерт күрсәттеләр, чәчәкләр бүләк иттеләр. Соңыннан өлкән укытучыларыбызны тәмле чәй белән сыйладык.

27 сентябрь  - Бөтендөнья туризм көне уңаеннан урманга экскурсия оештырылды. Кадермәт урманы укучыларыбызны  кояшлы көне, алтын-сары төсләре белән каршы алды. Балалар рәхәтләнеп ял итте, хәрәкәтчән уеннар  уйнадылар, көзге урман белән танышты. / Сегодня  в школе организовали  экскурсию в лес. Ребята отдыхали на свежем воздухе, играли в подвижные игры, познакомились с красотой осеннего леса.