Бүген мәктәбебездә татар милләтенә армый-талмый хезмәт итүче "тере легендабыз" Әлфия Афзаловага багышланган кичә үткәрелде. Татарны бербөтен иткән, җырлары белән берләштергән, һәр җырын йөрәге аша үткәреп, күңелендәген сагышка, моңга төреп, чын мәгънәсендә халыкчан башкаручы җырчы ул. Сәнгать укытучыбыз Тәскирә Ялаева укучыларга Әлфия Афзалованың тормышы, үз эченә асыл мәгънәне сыйдыра алган иҗат гомере турында сөйләде.

31 марта и 1 апреля на базе спортивного комплекса "Юность" и МБОУ "Лицей №12" прошли  военно-патриотические игры "Зарница-2016" . Нашу школу представили Валиев Р. (командир), Хамзетдинов Р., Мухаметзянова А., Шайхутдинова Л., Ситдиков А., Арсланбеков И., Рахимов Д. и Ганиев Д.. Руководитель команды учитель физкультуры и ОБЖ Багаутдинова А.Б.. Ученики успешно выступили на соревнованиях.  Молодцы, ребята!

1 апрель көнне мәктәп күләмендә Бөтендөнья кошлар көненә багышланган класстан-тыш чаралар уздырылды. Укучылар "Рекордсмен кошлар" турында чыгыш тыңладылар һәм презентация карадылар. Кошларга багышлап ясалган рәсемнәрдән күргәзмә оештырылды. Кошлар турында викторина сорауларына җавап бирделәр һәм кроссвордлар чиштеләр. Класслар арасында сыерчык оялары ясау буенча конкурс игълан ителде. 

Габдулла Тукайның тууына 130 ел тулу уңаеннан, мәктәбебез китапханәсендә шагыйрьнең иҗатына багышланган китап күргәзмәсе оештырылды. Тукай - укытучы. Ул укучыларның гыйлемле, эшчән, тырыш Кеше булып үсүләрен тели. Балалар өчен язылган шигырьләре, мәсәлләре дә шуңа өнди.

Габдулла Тукайның тууына 130 ел тулу 2016 елда республикабызның иҗтимагый һәм мәдәни тормышында иң төп вакыйгаларның берсе булачак. Аның иҗаты  бөтен татар милләтенең йөрәгендә аерым урын алып тора. Төп юбилей чаралары әлбәттә шагыйрьнең туган көне - 26 апрельдә узачак.

     Без дә укучылар белән Г.Тукайның 130 еллыгына багышланган чараларда актив катнашырга әзерләнәбез. Мәктәбебездә “Әдәби музей герое” дип аталган конкурска иҗади эшләр кабул ителә башлады. Иң беренчеләрдән булып 1 нче класс укучысы Гирфанов Реналь «Шүрәле» әкияте буенча ясаган эшен алып килде. Калган укучылардан да яңа эшләр көтәбез!

18 марта на базе СОШ №8 прошел муниципальный конкурс "Мои первые шаги в науку".  Из нашей школы в конкурсе принимали участие ученики 3 класса Зарипов Ильмир и Юнусов Алан. Они успешно выступили и стали победителями в номинации  "Гуманитарное направление". Поздравляем с победой и желаем дальнейших успехов!

Хөрмәтле Фәния Яриәхмәтовна!

Без котлыйбыз сине бүген,

Теләгебез бер генә:

Бирешмә заманасына,

Мәңге яшь булып яшә!

Саулык, яшьлек һәм мәхәббәт

Булсын һәрчак янәшә!

Яшьнәп-гөрләп яшә шулай,

Мәңге бәхетле яшә!

Балалар һәм яшүсмерләр китабы атналыгы кысаларында авыл китапханәсендә "Китап сөючеләр бәйгесе" - Г.Тукай иҗаты буенча әдәби викторина булып үтте.