Мәдәният йортында "Илһам алыйк бөек Тукайдан" дип аталган Г.Тукай елын йомгаклау кичәсе булды.Очрашуга кунаклар-танылган язучы Рәмзия Габделхакова,"Чишмә" иҗат берләшмәсе җитәкчесе Рәсим Хәбибуллин,җирле татар-иҗтимагый үзәге җитәкчесе Ренат Вилданов,яшь язучы Зилә Мөдәррисова,шагыйрь Таһир Шәмсуаров,"Заман сулышы"газеты редакторы Алсу Миңнебаева,җырчы Әлфия Низамова килгән иде.Кичәне оештыручы һәм алып баручы - авылдашыбыз, 11 нче гимназиядә "Айсылу" театр түгәрәген җитәкләүче Зөмәрә Шәрәпова,ярдәмчесе-Эльвира Галимова.Алып баручылар җирле талантлар белән килгән кунакларның чыгышын бергә туплап,бербөтен итеп бирделәр.9 класс укучылары  Г.Тукайның "Таз" әсәрен(җитәкчеләре-Сабирҗанова Г.Х.),6 класслар "Кәҗә белән сарык"ны(җитәкчеләре-Аблязова И.И.) сәхнәләштерде.2-3 класс укучылары (җитәкчеләре-Зиангирова Р.М.) "Бала белән күбәләк" шигыренә әдәби-музыкаль композиция  күрсәтте.Сәхнәгә бер төркем укучы чыгып үзләре язган шигырьләрен укыды һәм бастырырга дип "Заман сулышы" газетына бирде.Өлкән яшьтәге апалардан торган "Ихлас" фольклор ансамбле "Туган авыл"җырын башкарды.Кунаклар күчтәнәчләрен-шигырь һәм җырларын  мулдан өләште.Очрашу җылы һәм күңелле үтте.Авыл халкы,укучылар,укытучылар коллективы исеменнән  шушы чараны оештыручы Зөмәрә Ләбип кызына зур рәхмәт.

Актлар залы бәйрәмчә бизәлгән.

3-10 ноябрь-каникул көннәре.

5 октябрь - Укытучылар көне.

1 октябрь - өлкәннәр көне.

15 сентябрь- Татарстан варислары берлеге туган көн.