25 апрель көнне Галия һәм Җәмит Рахимовлар исемендәге Керкәле төп гомуми белем бирү мәктәбендә “Рәхимов укулары” VI Төбәкара фәнни-тикшеренү конференциясе үтте. Төрле районнардан килгән укытучылар һәм укучылар  үзләренең эшләрен тәкъдим иттеләр.

Чарага Әлмәттән аның якын дуслары, иҗатын өйрәнүчеләр - Клара Әхмәт кызы Хәсәнҗанова, татар иҗтимагый оешмасы җитәкчесе Гөлия Нәбиулла кызы Замалиева , филология фәннәре докторы, Әлмәт муниципаль районының “Р.Фәхреддин исемендәге мемориаль музей” директоры Диләрә Габделкавый кызы  Гыймранова , Лениногорск шәһәреннән Лениногорск муниципаль районы “Мәгариф идарәсе” муниципаль учреждениесе җитәкчесе  Вагыйз Сәмиулла улы Санатуллин, Мәгариф идарәсенең милли мәсьәләләр буенча методисты Таслима Рифкат кызы Халикова, Лениногорск муниципаль районы шагыйре, Халык мәгарифе отличнигы,Татарстан язучылар берлеге  Лениногорск бүлеге әгъзасы Таһир Ярулла улы Шәмсуаров, Бөтендөнья Татар Конгрессының Лениногорск җирле оешмасы  җитәкчесе,Г.Тукай исемендәге Үзәк китапханәнең милли әдәбият бүлеге мөдире Лейсан Таһир кызы Рахманова-Шәмсуарова һәм башкалар килделәр. Килгән кунакларның, укучыларның чыгышлары белән үрелеп барган кичә зур бәйрәм төсен алды. Галия апа белән Җәмит абыйның игелекле, изге эшләре безнең күңелләрдә мәңге сакланыр.