22 февраль көнне Пычак, Әсән-Елга, Арпаяз, Пычак урта мәктәбе командалары арасында.  23 февраль Ватанны саклаучылар көненә багышлап кышкы спартакиада уздырылды. Кубок Арпаяз авылы командасына бирелде. 

Башлангыч сыйныф укучылары Пычак авылы клубында "Туган тел" бәйрәмендә катнаштылар. Клуб мөдире Галимова Фирдәүсә апа оештырган кичәдә укучылар актив катнаштылар.

Мәктәбебез укучылары Пычак авылы китапханәсенә барып, китапханәче белән берлектә "Мәдәни көндәлек" тутырдылар. 

18 февраль көнне мәктәбебездә 33 ел педагогик стажының 32 елын Пычак урта мәктәбе белән бәйләгән, Пычак урта мәктәбенең генә түгел, Кукмара районы мәгарифенең алтын баганаларының берсе булган татар теле һәм рус теле укытучысы Галимуллина Вәсилә Габделхаликъ кызының якты истәлегенә багышланган рус теленнән район күләмендә олимпиада уздырылды.

Мәктәп укучылары арасында "Снайпер" уены уздырылды.

Мәктәп укучылары арасында волейбол ярышы уздырылды.

Гарифҗанова Чулпан республика буенча,  татар теле олимпиадасының призеры булды. Чулпанны һәм аның укытучысы Галимуллин Илназ Робертовичны бу җиңүләре белән котлыйбыз, алга таба зур уңышлар телибез.

Оборона-масса айлыгы планы нигезендә барлык класс укучылары катнашында чаңгы ярышы узды.

Герой-шагыйрь М.Җәлилнең 110 еллык юбилее уңаеннан, Хәтер маршына кушылып, "Үлемсезлеккә илткән үлем" исемле әдәби-музыкаль кичәдә татар теле һәм әдәбияты укытучысы Бареева Р.И. һәм китапханәче Нафикова Ә. җитәкчелегендә укучылар шагыйрьнең иҗаты, тормыш юлы белән таныштылар, шигырьләрен сәнгатьле итеп укыдылар. 

М.Җәлилнең 110 еллыгы уңаеннан, Хәтер маршы кысаларында укучылар Кукмара төбәкне өйрәнү музеенда булып, андагы экспозицияләр , Җиңү стенды материаллары белән таныштылар