Хөрмәтле укытучылар!!! Сез – безнең иң кадерлеләребез, үрнәк алырлык кешеләребез. Сез биргән белемнәр, сезнең үгет-нәсихәтегез безгә бүгенге авыр тормышта да дөрес юлдан тайпылмыйча, гел алга барырга ярдәм итә. Үзегезгә дә укучыларыгызның рәхмәтләренә төренеп, аларның ярдәмен тоеп яшәргә насыйп булсын. Атачак таңнарыгыз – аяз, туасы көннәрегез – кояшлы, төннәрегез - тыныч, сәламәтлегегез нык булсын.

Гомеремнең тәүге язларыннан

Әткәм-әнкәм белән янәшә

Берәү яши һаман күңелемдә

Үткәннәрдән кайтып эндәшә

Хәтеремдә курка-курка гына

Сыйныфыма килеп кергәнем

Хәтеремдә шулчак беренче кат

Якты йөзен аның күргәнем.

Дәреслекне ачкач аптыравым,

Нәүмизләнеп каушап калуым,

Хәтеремдә аның әкрен генә

Иңнәремә кулын салуы…

Ул өйрәтте хәрефләрне теркәп,

Иҗекләрдән сүзләр язарга,

Күзәтте ул һаман гомерем юлын

Ялгышларым булса төзәтте,

Хезмәт яратырга, туган җиргә

Тугрылыкка мине өйрәтте.

Кыенлыклар килсә әле дә ул,

Бирешмә! – дип гүя эндәшә

Күңелемдә шулай гомерем буе

Укытучым килә янәшә. 

Мәктәбебездә "Уңыш бәйрәме" һәм "Көзге бал" кичәсе уздырылды. 

Мәктәбебездә "Көзге шәфкатьлелек" атналыгы башланып китте.

Мәктәбебездә белем көненә багышланган тантаналы линейка узды. Линейкада укучылар, укытучылар, әти-әниләр һәм Пычак авыл җирлеге башлыгы Нафиков Г.Г. улы катнашты.