24 нче апрель көнне “Кукмара 4 нче номерлы урта мәктәбе” ндә  “Аҗаган”  Бөтенроссия хәрби –патриотик уеннарның муниципаль этабы үткәрелде. Уеннарда 15 белем бирү оешмаларыннан 17 команда катнашты. Барлыгы 238 укучы  “Ашыгыч ярдәм күрсәтү”, “Сафка тезелү”, “Росcия тарихы”, “Гәүдә күтәрү”, “Автоматтан төз ату”, “Автоматны сүтеп кору” буенча  көч сынаштылар. Кечкенәләр төркеме арасында I урынны “Кукмара шәһәре Ч.Т. Айтматов исемендәге 1 нче номерлы гимназия”, җитәкчеләре Гилаев Фәрхәт Мөбәрәк улы,  II урынны “К.Ф.Шакиров исемендәге Зур Сәрдек гимназия”се, җитәкчеләре Гарипов Нияз Тәлгать улы, III  урынны  “Кукмара  4 нче  номерлы урта  мәктәбе”, җитәкчеләре Шакиров  Айрат Васил улы яуладылар. 
Зурлар төркеме арасында I урынга - «А.М.Булатов исемендәге күппрофильле лицей», җитәкчеләре Шайдуллин Ришат Рафыйк улы, II урынга “Манзарас авылы урта гомуми белем бирү мәктәбе”, җитәкчеләре Шәфигуллин Ильшат Кәримулла  улы, III урынга “М.П.Прокопьев исемендәге Нырья урта мәктәбе”, җитәкчеләре  Ишпулатов Эдуард Евгеньевич лаек булдылар. Барлык командаларны да җиңүләре белән котлыйбыз!