“Җиһан” балалар иҗат үзәге” мөгаллиме  Шакиров Айрат Васил улы җитәкчелегендә  «Яшь патриот»  командасы “Юнармейцлар, алга!” Республика хәрби-спорт уеннарының зона этабында II  урынны яуладылар. Уеннар Казан шәһәренең “Патриот” чакырылышка әзерләү Республика үзәгендә үтте. Зона уеннарында катнашучылар  теория һәм практика буенча көч сынашты. Теория өлешендә укучыларның Россия тарихы, Бөек Ватан сугышы турында белүләре тикшерелде. Хәрби хәзерлек нигезләрен үзләштеүләрен, хезмәткә һәм оборонага әзерлеклекләрен практик өлештә күрсәттеләр, эстафетада катнаштылар.  “Яшь патриот” командасы  әлеге уен төрләре буенча уңышларга иреште:

I урын – “Гәүдә күтәрү”, «Интеллектуаль уен», «60 метрга йөгерү», «Тактик уен»; II урын –  “Граната ыргыту»; III – «Сафта тору», “АК-74 автоматын сүтеп җыю”.  Өстәмә белем бирү үзәгенең хәрби-патриотик юнәлеш укучылары үзләренең уңышлары белән сөендерделәр: II урын – Гайнутдинова Мәрьям «60 метрга йөгерү»; Гайнутдинов Мөхәмәт, Волосов Михаил  «Гәүдә күтәрү»; Иксанова Диана, Шамсутдинов Риваз «Граната ыргыту»;  Гайнутдинов Мөхәмәт «Интеллектуаль уен».

III урын – Гайнутдинов Мөхәмәт «60 метрга йөгерү», Салихов Айдар «Граната ыргыту»,  Гайнутдинова Мәрьям, Иксанова Диана “АК-74 автоматын сүтеп җыю”. “Яшь патриот” командасын, җитәкчеләре Айрат Василовичны уңышлары белән котлыйбыз!