14-21 февраль көннәрендә  мәктәбебездә туган телләр атналыгы булып узды. Туган тел укытучылары, туган телгә сакчыл караш формалаштыруга корылган, төрле ачык чаралар үткәрделәр.Тәнәфесләрдә төрле милли уеннар оештырылды.Муса Җәлилнең туган көне уңаеннан Сафина М.Р. 5-7нче сыйныфлар арасында “Гомерем минем моңлы бер җыр иде...” дип исемләнгән ачык  чара  үткәрде. Мәктәбебез китапханәчесе Шайхутдинова М.Г.  Муса Җәлилнең тормыш һәм иҗат юлына багышланган сыйныфтан тыш чара оештырды.Рус теле һәм әдәбияты укытучысы Абдулова Р.Р. 5-6 нчы сыйныфлар арасында интелектуаль уен үткәрде. Башлангыч сыйныф укучылары өчен төрле халык әкиятләре буенча мультфильмнар карау оештырылды. Сафина М.Р. 3-4нче сыйныфлар арасында “Татар телен беләсеңме ?” дигән викторина үткәрде.Төрле халык табышмаклары һәм мәкальләре буенча оештырылган уен программасында да укучылар бик актив катнаштылар.21 нче февраль – Туган тел көне. Бу көнне мәктәбебездә  туган тел укытучылары “Минем туган телем” дип исемләнгән  бик кызыклы һәм файдалы чара-квест уены оештырдылар.