Кукмара аграр көллиятендә һәрби-патриотик тәрбиягә зур ихтибар бирелә, безнең коллектив укычыларда ватанпәрвәрлек хисен тәрбияләүдә зур тырышлык куя.  Бүген 7 май көнне безнен көллиятебездә Бөек Җиңүнең 70 еллыгына багышланган тантаналы линейка үткәрелде. Көллиятнең иҗат төркеме һәм студентлар советы тырышлыгы белән оештырылган әлеге чара көчле патриотик рухта узды. Көллиятнең барлык укучыларына һәм хезмәткәрләренә Җиңү көненең истәлекле символы булган “Георгий ленталары” тапшырылды. Җиңү байрагы озатуында Бөек Ватан сугышында һәлак булган сугышчыларның һәм үзебезнең көллияттә эшләп бүгенге көндә безнең арабызда булмаган ветераннарыбызның фотографияләреннән торган  “Үлемсез полк” тантаналы линейкада катнашты. Тантаналы линейкадан соң “Үлемсез полк” Янил авылы җирлегендә урнашкан “Билгесез солдат” һәйкәленә юнәлде. Җиңү көне уңаеннан бәйрәмгә чакырылган тыл ветераннары тантаныбызның кадерле кунаклары булдылар.