Туган ягыбызга кошлар кайтуы белән, урамнарда ап –ак булып яткан карларның язгы ташу булып эреп агуы, безгә Бөек Җиңүнең 70 – еллыгын якынайта. Әлеге онытылмас көнгә багышланып, илебездә төрле чаралар үткәрелә. Безнең Кукмара районында да, Бөек Җиңүнең 70 – еллыгына багышланган фестиваль  уздырыла. Кукмара аграр көллияте хезмәткәрләре һәм укучылары әлеге Фестивальдә катнышырга теләк белдерделәр. 13 нче апрелдә узачак концертка әзерләнү көллиятебездә гөрләп бара. Укытучыларыбыз, хезмәткәрләребез һәм укучыларыбыз барысы бергә бер зур, тату иҗат төркеме булып көн саен репетициялар ясыйлар. Көллиятебезне моңга күмеп җырлыйлар, идәннәрен селкетеп бииләр һәм әлбәттә инде, уйнап – көлеп, берсенә -берсе яхшы кәеф бүләк итәләр. Без Сезне барыгызныда 13 апрель көнне Янил авылы мәдәният йортыда үтәчәк “Еллар кайтавазы ” дип исемләнгән концертыбызга чакырып калабыз, башлана 19:00 сәгаттә.