Кукмара аграр көллиятендә студентларга сәламәт яшәү рәвеше алып бару өчен бөтен мөмкинлекләр дә тудырылган. Егет кешегә сәламәт һәм көчле булсын өчен беренче урында спорт тора. Быел көллияттә “Бокс” түгәрәге эшли башлады. Түгәрәкне тренер Ленар Салихович җитәкли.

Дәресләрдән соң студентлар спорт залына җыела. Иң беренче гәүдәне яздыру һәм җылыту өчен күнегүләр башкарыла. Шуннан соң тренер бокс уены кагыйдәләрен  һәм алымнарын өйрәтә,  ике сәгать сизелмичә дә узып китә. Ләкин әлеге вакыт бушка үтми. Беренчедән-көч тупласак, икенчедән- үзебезне һөҗүмнән сакларга өйрәнәбез. Егетләр бокс белән яратып чын күңелдән шөгыльләнәләр.
Ял көннәрендә укучылар Кукмарадагы “Зилант” спорт комплексына җыелып өстәмә дәресләр алалар. Тренер Ленар Салихович бокска карата кызыксыну уяту өчен барлык көчен куеп эшли.
Безгә шундый мөмкинлек биргән өчен көллиятебез җиткәчесе Азат Халиловичка һәм тренер Ленар Салиховичка бик зур рәхмәт белдерәбез.
Әйдәгез, егетләр, ялкаулыкны җиңеп, дәррәү спорт залына ашыгыйк, мондый мөмкинлекне кулдан ычкындырмыйк!