Татар илендә татар теле тирәсендәге киеренкелек арта барса да, аның актуальлеге кимеми. Һәр туган бала үз туган телендә камил сөйләшә белергә тиеш. Ә татар теле читтән карап торганда гына бик җиңел, матур яңгырашлы. Аның кагыйдәләрен, грамматикасын өйрәнә башласаң, бер дә чит телләрдән ким түгел. Бәлки шуның белән кызыклыдыр да инде ул.

Безнең  көллияттә күптөрле милләт вәкилләренең балалары укый. Шул укучыларга дөрес итеп, кызыксындырып татар теле фәнен бирү, телгә мәхәббәт уяту зур осталык сорый. Татар теле һәм әдәбияте укытучысы Рәзинә Габделбәр кызы Шакированың ачык дәресен караганнан соң без моңа тагын бер кат инандык. Чиста, матур сөйләм теле, укучыларны кызыксындыра, һәрберсенә аерым якын килә белү – Рәзинә Габделбәр кызының һөнәри осталыгы. Уңышлар Сезгә!!!