Габдулла Тукай исемендәге Арча педагогия көллияте - Казан арты милли кадрлар әзерләү  үзәгендә “Язучы дәрес бирә” республикакүләм белем бирү проекты оештырылды. Әлеге проектның максаты  яшь буын укучыларда әдәби китап укуга кызыксыну уяту, студентлар һәм укытучыларны Татарстан Республикасының танылган язучылары белән таныштыру, әдәбият дәресләрендә әдәби әсәр белән эшләүнең үзенчәлекле төрләрен ачыклау.

Чарада Илфак Мирза, Миңгол Галиев, Рифат Сәлах, Нәҗибә Сафина, Йолдыз Шәрәпова һәм башка язучылар катнашты. Алар студентларга дәрес бирделәр. Дәресләрдән соң, татар теленең язмышына үзләренең мөнәсәбәтләрен белдереп иҗат иткән шигырьләрен укып, студенталарның сорауларына җавап бирделәр. Кичә язучылардан автограф алып, истәлеккә фотога төшү белән тәмамланды.