Язның беренче көне безне  җылы кояшы белән генә тугел, куптән көтелгән кунаклары белән дә куандырды. Көллиятебезгә “Татарстан - Яңа Гасыр"  каналында баручы “Башваткыч” тапшыруында катнашучыларны сайлап алу өчен, тапшыруның режисеры һәм мөхәррире килде. Алфира һәм Гөлфирә ханымнар укучыларыбыз белән берничә сәгать дәвамында бик җанлы әңгәмә алып бардылар.

Алар узләрен кызыксындырган сорауларга җавап алды, ә безнен студентларыбыз  төрле тапшыруларны әзерләү процессы белән танышты. Студентларыбыз бу өлкәдә эшләучеләргә кеше белән аралашу,  әңгәмәдәшләреннән узләренә кирәкле мәгълүматны бик тиз  ала алу осталыгы кирәклеген дә күрделәр. Студентлар кунакларга көллият  тормышы, үзләренең хоббилары һәм талантлары турында сөйләделәр. Шунысы куанычлы, безнен көллият укучыларының үз-үзләрен тотышы, сөйләм осталыклары  бик уңай бәяләнде. “Чиста итеп үз туган телләрендә сөйләшүчеләрне бик сирәк күрәбез”,- дип мактадылар Альфира һәм Гөлфирә ханымнар.