Һәр елны декабрь ахырында Иске елны озату һәм Яңа елны каршы алу кичәсен үткәрү көллиятебездә традициягә керде. Быел да 30 декабрь көнне коллектив белән җыелып Кукмарадагы киез итек фабрикасы кафесында бәйрәм үткәрдек. Бәйрәмебезне көллиятебезнең җитәкчесе Гатин Азат Халилович ачып җибәрде. Узган елга кыскача йомгак ясап, коллективны Яңа 2017 ел белән котлады. Бәйрәм кичәсен районыбызның танылган алып баручылары Файзелхак Нугманов һәм Алмаз Харисовлар җыр һәм кызыклы уеннар белән бәйләп, күнелле итеп алып бардылар. Бәйрәмдә шулай ук җитәкчебез тарафыннан Мактау грамоталары һәм истәлек бүләкләре дә тапшырылды. Кичә бик күнелле узды. Коллектив исеменнән җитәкчебез Азат Халиловичка һәм оештыручыларга зур рәхмәтебезне белдерәбез.