Көллиятебез алдына куелган төп максатларының берсе - укучыларыбызда шәфкатьлелек, мәрхәмәтлелек, ярдәмчел, киң күнеллелек, кадер-хөрмәт, итагатьлелек кебек сыйфатлар тәрбияләү. Ел дәвамында безнең көллият укучылары өлкән буын вәкилләренә төрлечә ярдәм итеп торалар.

Авылыбызда ярдәмгә мохтаҗ өлкәннәр күп булмаса да, бар, алар балалар белән аралашуны көтеп, ярдәмнәренә куанып торалар. 2 нче март көнне дә укучыларыбыз Янил авылында ялгыз яшәүче Шәргыя апага бардылар.  Түбәдән кар төшереп, ишегалдын кардан чистартыртып, көчләреннән килгәнчә ярдәм иттеләр.
Игелеклелек кылып кемнедер шатландыруың  белән үзең дә сөенечле  хисләр кичерәсең, күңел канәгатьләнүе аласың. Димәк, җан тынычлыгы аша тән саулыгына ирешәсең. Изге күңелле, мәрхәмәтле кешене шәфкатьлелек бизи. Йомшак, җылы карашларыбызны, ягымлы сүзләребезне бер-беребездән кызганмыйк, ярдәмләшеп, хәл белешеп, аралашып яшик, кеше булып калыйк!