Балалар оешмасы һәрвакыт хәрәкәттә.

Безнең илебездә балалар һәм балачак турында кайгырту - бөтенхалык эше итеп кабул ителгән. Бу элек-электән шулай килгән. Балалар мәктәпләрдә укый, белем тәрбия ала. Ә тәрбиянең, әлбәттә зур өлешен балалар оешмасы биргән. Һәм пионер оешмасы узган юл - ул тарих битләрендә тирән эз калдырган. Пионер оешмаларың абруе зур булган. Сөйләрлек,үрнәк алырлык эш-гамәлләре күп булган. Хәзерге варислар берлегенең дә эшчәнлеге мавыктыргыч, данлы, мактаулы. Еллар үткәч мактап сөйләрлек тарихы бар аның да.

Быел Татарстан варислар берлеге оешуга 25 ел булды. 25 ел элек нигез салынган бу оешма эшчәнлегенең буген даны зур. Чөнки ул укучыларның социаль активлыгын, иҗади осталыкларын үстерүгә, аларны Татарстан халыкларының матур традицияләре үрнәгендә тәрбияләүгә зур игътибар бирә. Оешманың 25 еллыгы уңаеннан төрле чаралар оештыруны планга керттек быел. Шул уңайдан, буген "ТВБ - 25 ел" дип исемләнгән зур гына бәйрәм үткәрелде. Укучылар оешма тарихын барладылар, флаглар чыгышы, барабанчылар маршы бәйрәмгә тагын да ямь өстәде. Варислар турында яңгыраган матур җырлар, кызыклы уеннар, эзтабарлар өчен кызыклы уен-сәяхәтләр - барысы да бәйрәмгә мавыктыргыч төс өстәде. Соңыннан барлык балалар флэш-мобта катнашты һәм бәйрәмебез "Бөркеткәй түгәрәге"ндә матур җырлар белән тәмамланды.