Кырыс кышлар үтеп, табигать җанлаганда үзенең сайрар кошлары, умырзаялары белән тирә-юньгә ямь өстәп яз килә. Яз айларында Нәүрүз бәйрәме башлана. 

Нәүрүз килә, Нәүрүз килә!

Нәүрүзне зурлыйк эле.

Гөрләвекләр челтерәвенә

Кушылып җырлыйк әле.

Борын-борын заманнан,

Болгар белән Казаннан,

Җаек белән Иделдән

Бу бәйрәм безгә килгән.

Нәүрүз мөбәрәк булсын!

Нәүрүз мөбәрәк булсын!

Уртанчылар төркеме балалары физкультура эшчәнлеген көтеп алалар. Балаларыбыз физкультура белән  шөгыльләнү сәламәтлеккә файдалы икәнен аңлыйлар.

Театрдан күренеш....

14 мартта авылыбызның мәдәният йортында  район кысаларында үткәрелгән "Театр яктылыкка, нурга илтә" дип исемләнгән татар театры үсешенең  фестиваль - конкурсы булды. Зурлар торкемендә тәрбияләнүче балаларыбыз тәрбияче Шафигуллина И. Х., музыка җитәкчесе Ишкулова Н.У. җитәкчелегендә "Урманда янгын" әкиятен  тәкъдим иттеләр. Әфәрин нәни артистларыбыз!

Бәйрәм белән хөрмәтле хезмәттәшләр! 

Сезнең җан түрегезгә

Бер караштан гашыйк итәр,

Наз барыдыр үзегездә.

Яз кояшыдай елмаеп,

Сөеп бер карасагыз,

Йөрәкләрне әсир итеп

Зиһенне чуалтасыз.

Тормышның авыр йөгенә,

Бирешмәс иңнәрегез

Күңелләрне эретерлек,

Мөлаем йөзләрегез.

Бала өчен янып-көяр,

Тынычсыз йөрәгегез

Гаилә учагын саклап,

Үтәдер көннәрегез.

Бәхет читләтеп үтсә дә

Учлап йөрәк ярасын

Үч итеп язмышка һаман,

Чибәр булып каласыз.

Яз бәйрәмегез шикелле,

Үтсен гомерләр гөрләп

Назларга төргән котлаулар,

Кабул итегез бездән!

8 Март -Халыкара хатын - кызлар көне буларак бәйрәм ителә. Шул уңайдан безнең нәни балаларыбыз да бик куңелле итеп ял иттеләр. Аларга кунакка бүген үзенең күчтәнәчләре белән Ак яулыклы әби килде.

Уртанчылар төркеме малайлары әниләрен котлап бик матур бию башкардылар.

Көннәр аяз, күктә алсу

Нур сибеп кояш көлә.

Җиргә тама көмеш тамчы –

Сагынып көткән яз килә.

 Родитель Нуриева Лилия выпустила поздравительную стенгазету. Мы благодарны ей и огромное спасибо.